ஏன் பாண்டிய நாடு பண்பாட்டு மையம்?

தமிழர்களின் வாழ்வியலோடு இணைந்திருந்த விருந்தோம்பல், பழக்க வழக்கம், கடவுள் வழிபாடு, பாரம்பரிய மருந்துவம், விவசாயம் உள்ளிட்ட மாண்புகள் மேற்கத்திய கலாச்சார தாக்கத்தின் காரணமாக இன்று மதிப்பிழந்து நிற்கிறது. மறந்து போன பாரம்பரிய வாழ்க்கை முறைகளை இன்றைய இளம் தலைமுறையினர் அறிந்து கொள்ளச் செய்வதற்கான செயல்பாடுகள் நம்மிடையே போதுமான அளவு மேற்கொள்ளப்படவில்லை. "உலகின் முதல் நகர நாகரீக சமூகமாக தமிழ்மக்கள் வாழ்ந்தார்கள்" என வரலாற்றாளர்களும் பண்பாட்டு ஆய்வாளர்களும் குறிப்பிடும் இவ்வேளையில் அவர்களின் பாரம்பரிய வாழ்வியல் விழுமியங்கள் குறித்த ஒருங்கிணைந்த ஆய்வுகள் மேற்கொண்டு, ஆவணப்படுத்தி அவற்றை இன்றைய வருங்கால தலைமுறைகள் பயனுற வழங்குவது என்ற உயரிய இலக்கு கொண்டு பாண்டிய பண்பாட்டு மையம் துவக்கப்பட்டுள்ளது. மேலும், தமிழ் நிலத்தின் அறிவுப் புதையலாக விளங்கும் பழங்கால கோவில்,சிற்பங்கள்,சமண,பெளத்த எச்சங்கள் ஆகியவற்றை ஆய்வு செய்து அவற்றைப் பாதுகாப்பதற்கான வழிமுறைகளையும் விழிப்புணா்வு பிரச்சாரங்களையும் மேற்கொண்டு தமிழகத்தின் வரலாற்று பாரம்பரிய பெருமையை மேலோங்கச் செய்ய சமூக நல்லிணக்கத்துடன் அனைவருடன் இணைந்து பணியாற்றிடவும் பாண்டிய நாடு பண்பாட்டு மையம் உறுதியேற்றுள்ளது.